Më shumë se 5000 njerëz protestuan sot në Stamboll kundër inflacionit dhe rënies së fuqisë blerëse në tubimin e parë të madh kundër trazirave në ekonominë turke.

Me nxitjen e sindikatave kryesore, protestuesit kanë shprehur pakënaqësi për paqëndrueshmërinë e lirës turke, transmeton portal arbresh.info

Opozita dhe disa analistë vënë në dyshim besueshmërinë e të dhënave zyrtare dhe akuzojnë Byronë Kombëtare të Statistikave (TUIK) për nënvlerësimin e shifrave aktuale.

Inflacioni aktual vjetor është më shumë se 58 për qind, sipas një studimi të ENAG (Inflation Research Group), i cili përfshin ekonomistë të pavarur.

Pamja është bërë edhe më e zymtë nga lira turke, e cila ka humbur më shumë se 45 për qind të vlerës së saj ndaj dollarit që nga fillimi i vitit dhe gati 30 për qind që nga tetori.

“Ne po varfërohemi, ndërsa qeveria thotë se gjithçka është në rregull”, ka thënë një protestuese.
Protestuesit kërkojnë një rritje të pagës minimale neto, e cila tani është 2,825 lira (179 euro) në 5,200 lira (331 euro).

Protestuesit kanë kërkuar edhe dorëheqjen e qeverisë.

“Qeveria duhet të largohet se për të mbushur xhepat e saj, ajo boshatis xhepat tanë. Prandaj jemi në rrugë, për t’u thënë “mjaft!” tha Fatma, punonjëse e bashkisë së qytetit./arbresh.info/